वदतु संस्कृतम् -३ तो -ती -ते

वदतु संस्कृतम् -२ मध्ये आपण पाहिलं कि स्वतः बद्दल काही सांगताना "अहं " (I/ME) वापरले जाते.
आता इतरांविषयी बोलताना कुठले सर्वनाम वापरायचे ते बघुयात.

समजा तुमच्या पासून दूर एखादा मुलगा उभा असेल तर तो कोण हे सांगण्यासाठी म्हणावे लागेल -

"स: बालक:|"

आपल्या पासून दूर असणार्या  पुल्लिंगी व्यक्तीना (बालक:/पुरुष:/गायक:/छात्र:)  दाखवण्या साठी "स:"
या सर्वनामाचा उपयोग होतो.

स: बालक:|-->तो मुलगा        स: छात्र:|  --> तो विद्यार्थी.
 आपल्या पासून दूर उभी असणारी व्यक्ती (पु.) कोण आहे हे विचारण्यासाठी  म्हणावे लागेल

   स: क:?"

वरील चित्रामधील विनय पासून दूर अंतरावर काही व्यक्ती  आहेत. त्यांना एकएकाला उद्देशून तो विचारतो आहे
स: क :?    या प्रश्नाला उत्तर असेल
१) स: वैद्य:  |
२)स: गायक:|
३) स: नर्तक:|
४)स: कृषीवल:|

आपल्या पासून दूर असणार्या  स्त्रीलिंगी  व्यक्तीना (बालिका /महिला /युवती /गायिका )  दाखवण्या साठी "सा"(That)या सर्वनामाचा उपयोग होतो.                             

         "सा शिक्षिका  |"
सा बालिका -ती मुलगी'
सा छात्रा - ती विद्यार्थिनी

आपल्या पासून दूर उभी असणारी व्यक्ती (स्त्री .) कोण आहे हे विचारण्यासाठी  म्हणावे लागेल
               सा का ?

खालील चित्रात विनय पासून दूर अंतरावर काही स्त्रिया आहेत(नर्तकी ,युवती ,गायिका ,वैद्या ). त्यांना एकेकीला  पाहून तो विचारतो आहे "सा का ?"
सांगा बर काय उत्तर असेल?

आपल्या पासून दुर असणार्या नपुसकलिंगी वस्तू ला दर्शविण्यासाठी "तत् " या सर्वनामाचा उपयोग होतो.
आपल्या पासून दूर एखादे फुल ठेवले असेल तर ते दाखवण्यासाठी म्हणावे लागेल -

"तत् पुष्पम् |"

ती वस्तु काय आहे असं विचारण्यासाठी म्हणावे लागेल - तत् किम् ? खाली दिलेल्या चित्रात विनय पासून दूर काही वस्तू आहेत.(कारयानम् ,व्यजनम्,पुष्पम् ,फ़लम् ,पुस्तकम् ) त्यांना पाहून तो विचारतो आहे -" तत् किम?".तुम्ही सांगू  शकाल का उत्तर असेल ते?